تاند ( شنبه د حمل ۷مه) د پروان ولایت په شینوارو ولسوالي کې سیمه ییزې سرچینې وایي، طالبانو د غوربند درې په درازګرد سیمه کې یو ځوان وژلی دی.
د یاد ولایت د امنیه قومنداني ویاند سلیم نوري ویلي، نن غرمه په یاده سیمه کې د ملکي کسانو او طالبانو ترمنځ په نښته کې هغه ځوان وژل شوی چې د قرانکریم د حافظانو د فراغت په مراسمو کې یې ملي بیرغ لیږداوه.
د نوري په خبره، د شینواري ولسوالي د درازګرد سیمه د طالبانو په واک کې ده او هلته افغان ځواکونه نه شته.
طالبانو تر اوسه په دې اړه څه نه دي ویلي.
دا لومړی ځل نه دی چې طالب وسله وال د ملي بیرغ د ګرځولو په تړاو ملکي وګړي وژني، تر دې وړاندې یې هم د هېواد په بیلابیلو ولایتونو او لویو لارو کې عام خلک د بیرغ د ګرځولو، سندرو غږولو او د ودونو په مراسمو کې د موسیقي د محفلونو په جوړولو وهلي ډبولي، ټپیان کړي او حتی وژلي دي.
الله دی د مبارک قرآن، ددې حافظانو او ددې شهید ورور له برکته دا د جهالت او غم بوټۍ په یعنی ټالب په خپل غضب ګرفتاره کړي. دی ته وایي د طالب مسلماني، انسانیت او عدالت. دوی په دې ملت د حکومت دعوا کوي. نه پوهېږم دا شیاطین د کوم وحشی ځناور اولاده آو په کوم مذهب دي. کوم انسان به دداسې عمل توجهی کولی وشي.