تاند، شنبه، د ثور ۲۷مه: طالبانو د بغلان پلخمري ښار ته نږدې د یو قومي مشر په کور برید کې لږ تر لږه دوه تنه وژلي او دوه نور یې ژوبل کړي دي.
د بغلان امنیه قومنداني وايي، قومي مشر ملا علم دولت پلوه شخصیت دی او د طالبانو اړوند موټر سایکل سپرو وسله والو یې تېر مازیګر پر کور برید کړیدی.
په دې برید کې پخپله ملا علم ته کوم زیان ندی رسېدلی خو د کور دوه غړي یې ژوبل دي او یو ساتونکی او یو ملکي میلمه وژل شویدی.
طالبانو تر اوسه په دې اړه څه نه دي ویلي، خو دغې ډلې په ګڼو ولایتونو کې ورته بریدونه ترسره کړي دي.