تاند ( چهارشنبه، د حوت ۲۷) د هند او انګلستان ترمنځ دریمه نړیواله شل اوریزه لوبه په احمد اباد کې ترسره شوه.
د لوبې په پیل کې انګلستان پچه وګټله او هند ته يې د توپوهنې بلنه ورکړه.
هند په ټاکلو ۲۰ اورونو کې د ۶ لوبغاړو په سوځېدو ۱۵۶ منډو وکړې، چې له ډلې يې لوبډلمشر ویرات کوهلي ۷۷ ناسوځېدلې منډې ترسره کړې.
د انګلستان له خوا مارک ووډ ۳ او کریس جورډن ۲ لوبغاړي وسوځول.
انګلستان ټاکل شوی هدف په ۱۹ ام اور کې د ۲ لوبغاړو په سوځېدو پوره کړ او لوبه یې د ۸ وېکټو په توپير وګټله.
جاس بټلر ۸۳ ناسوځېدلې او جوني بریسټو ۴۰ ناسوځېدلې منډې وکړې.
د لوبې د غوره لوبغاړي جاس بټلر وټاکل شو.
د یادونې ده، چې د هند او انګلستان ترمنځ د پنځو نړیوالو شل اوریزو لوبو لړۍ کې انګلستان ۲ او هند ۱ لوبه ګټلې ده.
د یادو لوبډلو ترمنځ به څلورمه لوبه د مارچ په ۱۸مه نېټه ترسره شي.