تاند ( سه شنبه، د حوت ۱۹) د ولسمشر لومړي مرستیال امرالله صالح د امریکا د بهرنیو چارو وزیر انټوني بلنکن راستول شوي لیک ته په غبرګون کې ویلي چې سوله د افغانانو جدي اړتیا ده، خو آمرانه او تپل شوې سوله نه منو.
نوموړي همداراز ویلي، د افغانستان اساسي قانون به هېڅکله هم د څو کسانو تر منځ د معاملې قرباني نه شي او به یې کړو.
له بل لوري بیا د ولسمشر سلاکار، محمد محقق وايي، امریکا غواړي له افغانستانه ووځي، ځکه پر افغان حکومت بېړه کوي.
هغه وايي، د سولې برخه کې عجله نه بلکې په پوره دقت سره پرېکړې کوي.
د دې غبرګونونو سره سره بل لورته د ملي روغې جوړې عالي شورا ویاند فریدون خوځون وايي، د مسکو له لوري د جوړېدونکې غونډې بلنلیک یادې شورا ته رسېدلی او دوی یې په اړه مشورې پیل کړي دي.
دغه کنفرانس ته طالبان، افغان حکومت او دغه راز سیاسي مشران، د سیمې هېوادونو آستازي او امریکا هم دعوت شوې ده.
یادې شورا په دې اړه نور څه نه دي ویلي.
محمد محقق: سیاسیون دې د طالبانو او د هغوی د ملاتړو په ژمنو نه غولېږي