تاند ( سه شنبه، د حوت ۱۹) د افغانستان د بشري حقونو خپلواک کمیسیون مشرې شهرزاد اکبر په خپله تازه مرکه کې ویلي سره له دې چې د جګړې دواړه لوري د سولې خبرې کوي خو تر څنګ یې د خونړۍ جګړې لپاره هم په تیاریو بوخت دي.
اکبر ویلي داسې ګنګوسې دي چې ګواکي یو موقت اوربند به د امریکا په هڅو رامنځ ته کېږي، خو هغه وایي چې موقت اوربند د افغانانو درد نه شي دوا کولی.
هغه وایي اوس په افغانستان کې یوه دایمي او بېړني اوربند ته اړتیا ده.
اکبر ویلي چې د روانې جګړې ټول مالي، ځاني او فرهنګي زیان عامو افغانانو ته اوړي نو د دې جدي اړتیا ده چې روانه جګړه پای ته ورسېږي او د سولې خبرې چټکې کړل شي.
د افغانستان د بشري حقونو خپلواک کمېسیون داسې مهال دایمي اوربند اړین بولي چې دمګړۍ په ټول هېواد کې د جګړې ډګر تود دی.
د نظر د خاوندانو په باور په روانه جګړه کې له هر لوري افغان ولس ځپل کېږي.
دوی د جګړې له ښکېلو لوریو غوښتنه کوي چې نور دې روانه جګړه بنده او دایمي اوربند دې وکړي.
محمد محقق: سیاسیون دې د طالبانو او د هغوی د ملاتړو په ژمنو نه غولېږي
وایی یوه سړي دوه زامن درلودل. یوه ورځ دواړو ورونو په خپلو کې په کوم شي اختلاف پیدا شو او یو بل ته یې کنځلي شروع کړې . مشر ورور کشر ورور ته وویل : پدر لعنتې . کشر هم ځواب ورکړ چې ته پدرلعنتی ئې .
مشر خپل پلار ته شکایت وکړ چې ورور مې ماته کنځلې کوي . کشرهم همدا خبرې تکرار کړې چې هغه هم ماته پدرلعنتی وایی.
پلار ورته وویل : خیر دی زامنو تاسو ما معاف کړئ . ځکه په حقیقت کې دواړو خپل پلار ته کنځلې کولې .
اوس د افغانستان خلک په طالبانو او دولت تقسیم شویدي . د دواړو ترمنځ اختلافات او جګړه د دې باعث شوېده چې د خپل پلار یعنې افغانستان اولادونه ووژني . یو او بل ته سپکې سپورې ووایي . د دې جګړې ګټه چاته رسیږي ؟