تاند (جمعه د حوت ۱۵) د پښتونخوا سياسي، ولسي او فرهنګي مشران په دوه ورځني کنفرانس کې د ګډون په موخه کابل ته راورسيدل.
د افغانستان د سرحدونو او قبایلو چارو وزارت له لوري په خپره شوې خبرپاڼه کې راغلي چې دغو مشرانو ته د حامد کرزي په نړیوال هوايې ډګر کې د یاد وزارت مشرتابه پلاوي، ګڼو دولتي چارواکو او قومي او سياسي مشرانو ښه راغلاست او هرکلی ووایه.
ددغه وزارت د معلوماتو له مخې، ټاکل شوې ده چې دغه سياسي، فرهنګي او ولسي مشران په هغې دوه ورځني کنفرانس کې ګډون او ويناوې وکړي چې د امن او ثبات تر عنوان لاندې په کابل کې د سرحدونو او قبایلو چارو وزارت له خوا جوړيږي.
خبرپاڼه زیاتوي، د کنفرانس ګډونکوونکي به په افغانستان کې د تلپاتې سولې غږ اوچت کړي او هم به د لر او بر مشران په کې د سولې د بېلابېلو اړخونو او په دې برخه کې د پرتو ستونزو په هکله خبرې وکړې.
بله خوا د ولايتي پارلمان غړی میرکلام وزیر او اشفاق وزیر د اسلام اباد په هوایي ډګر کې د افغانستان د امن او ثبات په کنفرانس کې له ګډون کولو څخه منعه کړی شوي دي.
میر کلام وزیر پر خپل ټویتر لیکلي چې دوی د افغانستان د امن کنفرانس کې د ګډون په موخه کابل ته تله، خو په اسلام اباد هوايي ډګر کې یې مخه ونیول شوه.
افغانستان میں امن کانفرنس میں شرکت کے لئے جاتے ہوئے اسلام آباد آئرپورٹ پر ایک مرتبہ صبح فلائٹ مس کروائی پھر سارا دن انتظار کروا کر صاف انکار کر دیا، بحثیت عوامی نمائندے نقل و حرکت سے منع کیا جارہا ہے۔
اس پرچم ?? کے سائے تلے ہم ایک ہیں pic.twitter.com/f8cP3f9C6f— Mir Kalam Wazir (@KalamWazir) March 5, 2021