تاند(پنجشنبه، د حوت ۱۴) په لوګر کې طالبانو د ديني مدرسو ۷۵۰۰ شاګردان له زدهکړو بې برخې کړي.
له امنیت شورا څخه په خپره شوې خبرپاڼه کې راغلي، چې په لوګر کې طالبانو د ۳۶ رسمي ديني مدرسو د شاګردانو کورنۍ او ديني عالمان په مرګ ګواښلي چې له امله يې ۷۵۰۰ زدهکوونکي له درسه بېبرخې شوي دي.
خبرپاڼې زیاته کړې، چې د ملي امنيت سلاکار حمدالله محب په مشرۍ د د هېواد ديني عالمانو د امنيتي ګواښونو د له منځه وړلو لپاره غونډه ترسره کړه.
د خبرپاڼې په وینا، یاده غونډه کې د امنيتي ادارو مسوولینو د هغو ديني علماوو لپاره ځانګړي امنيتي تدابيرو د عملي کېدو خبره کړې چې د ګواښونو کچه يې لوړه وه.
سرچینې د یادو مسولینو له قوله ویلي، چې په هېواد کې د ديني عالمانو پر وړاندې د خنډونو د له منځه وړلو لپاره ځانګړي طرحه لري تر څو له خطرونو خوندي اوسي.
یاده غونډه کې حمدالله محب زیاته کړې، د علماوو د ستونزو او وړاندیزونو د اورېدو او له علماوو سره د کتلو او ناستو په موخه په یوه ځانګړې طرحه کار کوي.
محب ویلي چې منبرونه د ديني تبليغ او دعوت مرکزونه دي، هر څوک چې يې د نظام او خلکو د تخريب لپاره کاروي، جدي چلند به ورسره وشي.
په همدې حال کې بیا د یاد ولایت په مرکز پل عالم کې د مرکزي دارالعلوم یو ښوونکي د نوم نه ښودو په شرط رسنیو ته ویلي چې طالبانو دوی ګواښلي او ورته ویلې یې دي چې باید له دارالعلومه د منفکۍ اسناد ور وړي.
یاد ښوونکی وایي، د لوګر طالبان د دوی استدلال هم نه مني او وایي، دا امر ورته د خپلو مشرانو لخوا شوی دی.
طالبانو تر اوسه په دې اړه رسنیو ته څه نه دي ویلي.
د ټالبانو کوم کار سم افغاني ، انساني او اسلامي دی ، چې د شاګردانو د زده کړو مخه نیول یې سم نه وي ؟
دوی د جهالت او شیطان استازي دي . شیطان به هېڅکله مسلمانان د علم زده کولو ، د خپل وطن د ترقي او الهي عبادت اداکولو ته په خپل زړه پرې نه ږدي .