تاند(جمعه، د حوت ۸) د جرمني دفاع وزیره نن په نااعلان شوې سفر افغانستان ته راغله چې له خپلو پوځیانو سره وګوري.
حاضردمه له امریکا وروسته په افغانستان کې جرمني ډېر پوځیان لري.
د اسوشیتید پریس خبري اژانس د راپور له مخې، د جرمني دفاع وزیرې انګریت کرامپ کارین باویر په یوه بیان کې ویلي، هیواد یې چمتو دی له افغانستان سره د سولې په پروسه کې ملاتړ ته دوام ورکړي.
د روانې اوونۍ د چهارشنبې په ورځ د جرمني حکومت په افغانستان کې د خپلو پوځیانو ماموریت د جنورۍ تر ۳۱ پورې تمدید کړ. د دغه هیواد اوسنی ماموریت د مارچ په ۳۱ پای ته رسېدو. په افغانستان کې د جرمني پوځیانو، چې د ناټو تر مشرۍ لاندې د غوځ ملاتړ ماموریت په چوکاټ کې افغان امنیتي او دفاعي ځواکونه روزي یا مشورې ورکوي، د فدرالي پارلمان تایید ته اړتیا لري.
د جرمني اکثره پوځیان د افغانستان په شمال کې دي او دفاع وزیره یې هم لومړی مزارشریف ته لاړه.