تاند (پنجشنبه د حوت ۷) میس انډیا پروګرام چې هر کال تر سره کېږي، په کې د کال یوه غوره ښکلې پېغله اعلانېږي، چې ښه قد او هم د ښکلا ځیني نور معیارونه ولري.
د هندي رسنیو د راپورونو له مخې، مینه سېنګ د میس انډیا د ۲۰۲۱ کال دا سیالۍ وګټلې چې په هند کې د ننه یې د ټولو پام ځان ته ور واړوه.
ښاغلې سېنګ د پرکاش په نوم د یوه کس لور ده چې پلار یې ریکشته چلوي او له همدې لارې د خپل ژوند اړتیاوې پوره کوي.
هندي رسنۍ وايي دې نجلۍ د خپلو زده کړو د تر سره کولو لپاره خورا سختۍ ګاللې او د پلار د ارمانونو د پوره کولو لپاره یې دې هدف ته ځان ورساوه.
هندي رسنۍ وايي، مینه سېنګ هڅه کوي چې له خپل پلار سره د کور د ستونزو په حل کې هم مرسته وکړي.
دې نجلۍ چې ځان یې د روان ۲۰۲۱ کال د مېس انډیا د سیالیو لپاره نوماند کړ، د زرګونه نورو پېغلو په منځ کې یې د دې کال د غوره پېغلې لقب تر لاسه کړ.
ښايي تر دې سیالۍ ګټنې وروسته مینه سېنګ د خپل پلار ژوند تغیر کړي او خپل پلار له رېکشه وانۍ خلاص کړي.