تاند(پنج شنبه، د حوت ۷) د حج او اوقافو وزارت وایي، د هرات ولایت یو شمېر علماوو له مولوي انصاري سره د مناظرې غوښتنه کړې وه خو نوموړی یادې مناظرې ته حاضر نشو.
د افغانستان د حج او اقافو له وزارت په خپره شوې خبرپاڼه کې راغلي، د هرات یو شمېر مشهورو دیني علماوو د مولوي انصاري د وروستیو څرګندونو په تړاو له انصاري وغوښتل چې د هېواد د یوې معتبرې رسنۍ پر پرده له دوی سره مناظره وکړي او د خپلو وروستیو څرګندونو چې د نظام او حکومت په اړه یې مطرح کړې وې، سپیناوی وکړي، خو مولوي انصاري د دغو کسانو غوښتنې بې ځوابه پرېښودې او د مناظرې لپاره حاضر نه شو.
دغه وزارت زیاته کړې، د دې ولایت د حج او اوقافو ریاست په خپره شوې اعلامیه کې د هرات ولایت د دیني علماوو، قومي مخورو او فرهنګیانو هغه خبرې او نظریات هم را اخیستې چې د مولوي انصاري د وروستیو څرګندونو پر وړاندې یې مطرح کړي دي.
مولوي انصاري د حوت په لومړۍ نېټه، د جمعې لمانځه د خطبې پر مهال د افغانستان نظام هر کارکوونکی ګنګهار وباله او ملاتړ کوونکي یې له یهود او نصاراوو بدتر وګڼل.
دا احمق ملا په کنځلو هم نه ارزي. شاید خوند ترې واخلي.