تاند ( پنج شنبه، د حوت ۷) د آسټراليا او نیوزیلینډ ترمنځ دوهمه شل اوریزه لوبه هم د نیوزیلینډ لوبډلې د ۴ منډو په توپير وګټله.
په دې لوبه کې نیوزیلینډ لومړۍ توپوهنه وکړه او په ټاکلو شلو اورونو کې یې د ۷ لوبغاړو په
سوځېدو مقابلې لوبډلې ته د ۲۱۹ منډو هدف ورکړ.
په توپ وهنه کې نیوزیلینډ لپاره ګوپټېل ۹۷ او ويلیمسن بیا ۵۳ تر نورو ډېرې منډې وکړې.
د آسټرالیا لپاره ریچارډسن بیا ښه وځلېده او د نیوزیلینډ ۳ لوبغاړي یې وسوځول.
آسټرالیا لوبډلې ونه شو کړای چې ټاکل شوی هدف پوره کړی.
یادې لوبډلې په ټاکلو شلو اورونو کې د ۸ لوبغاړو په سوځېدو یواځې ۲۱۵ منډې جوړې
کړې او لوبه یې د ۴ منډو په توپير وبایلله.
آسټراليا لپاره یواځې سټونس تر نورو ډېرې ۷۸ منډې کړې وې.
د یادونې ده چې له دې وړاندې لومړۍ شل اوره لوبه هم نیوزیلینډ لوبډلې ګټلې وه.