تاند (سه شنبه، د حوت ۵) د سريلانکا کرېکټ ملي لوبډلې لوبغاړي اوپل ترنګا له نړيوال کرېکټ سره مخه ښه وکړه.
اوپل ترنګا د سرېلانکا کرکټ لوبډلې یو له پياوړو لوبغاړو څخه وو.
نوموړي د خپلې لوبډلې لپاره ۲۹۲ نړیوالې لوبې کړي او ۹۱۱۲ منډې جوړي کړي.
اوپل ترنګا د خپلې لوبډلې لپاره ښې لاسته راوړنې هم لري او په اساسو وختونو کې د خپلې لوبډلې لپاره مثبت ثابت شوی دی.
هغه د سرېلانکا لپاره ۳۱ نړيوالۍ ټېسټ لوبې کړي چې په کې ۱۷۵۴ منډې جوړې کړي. ۳ سلیزې او ۸ پنځوسیزې لري.
اوپل ترنګا دغه راز ۲۵۳ پنځوس اوره لوبې کړي چې ۷۹۵۱ منډې لري. ۱۵ سلیزې او ۳۷ پنځوسیزې لري.
هغه د خپلې لوبډلې لپاره ۲۶ شل اوریزه لوبې کړي چې ۴۰۷ منډې یې په کې کړي دي نه کومه سلیزه او نه هم پنځوسیزه لري.