تاند ( یک شنبه، د حوت ۳) نیویارک ټایمز د پریانکا چوپړا کتاب چې آن فنشډ نومېږي د غوره پلورل شویو کتابونو په نوملړ کې شامل کړ.
د بالیووډ مشهوره اداکاره او د امریکایي سندرغاړي نک جونس میرمن پریانکا چوپړا چې په دې وروستیو کې خپل ژوند لیک لیکلی او د (ان فنشډ) په نوم سره یې خپور کړی.
پریانکا هم نن په خپل انسټاګرام یوه وړه ویډیو خپره کړې چې د خپل کتاب عکس یې په پښتۍ کې ورکړی.
نوموړې په ویډیو کې ځینې داسې تصویرونه هم شامل دي چې د ژوند ځینو پېښو سره یې تړاو لري او د خپل بریا په اړه یې له مینوالو مننه کړې.
چوپړا ویلي چې دا هر څه له یوې اوونۍ څخه هم ژر وشول او کتاب یې د نیویارک ټایمز د غوره پلورل شوو کتابونو په نوملړ کې شامل شو.
پرینکا چوپړا د هندي سینما یو له هغو ښځینه سینما ستورو شمېرل کېږي چې د نړۍ په کچه ډېر مینه وال لري.