تاند ( یک شنبه، د حوت ۳) د پاکستان سوپرلیګ یا پي اېس اېل لوبې د کراچۍ کېنګز لوبدلې به بریا پيل شوې.
د یاد لیګ لومړۍ لوبه د کوېټه ګلېډيټرز او کراچۍ کېنګ لوبډلو ترمنځ ترسره شوه.
کوېټې لوبډلې لومړی توپ وهنه ترسره کړه او په ۱۹ ام اور کې یې د ټولو لوبغاړو په سوځېدو یواځې ۱۲۱ منډې وکړې او کراچۍ لوبډلې ته یې د ۱۲۲ منډو هدف ورکړ.
له کوېټې ګلېډيټرز لوبډلې سره افغان لوبغاړی قیس احمد لوبېده چې په توپوهنه کې یې د خپلې لوبډلې لپاره ۱۶ منډې او دغه راز کرېس ګيل بیا ۴۶ مندې وکړې.
کراچۍ لوبډلې ټاکل شوی هدف د محمدنبي عیسی خېل په چټکې ټوپوهنې پوره او لوبه یې د ۷ لوبغاړو په توپیر په خپل نوم کړه.
د محمد نبي اړوند لوبډلې ټاکل شوی هدف په ۱۴ اور کې د ۳ لوبغاړو په سوځېدو پوره او لوبه یې د محمد نبي د چټکو ۳۰ منډو پر مټ وګټله.
نبي خپلې لوبډلې لپاره په ۱۴ توپونو ۳۰ ناسوځېدلې منډې ترسره کړې چې په کې ۳ شپږيزې او ۲ څلوریزې شاملې وې.
دغه راز کلارک بیا خپلې لوبډلې لپاره ۴۶ منډې وکړې.
یاده دې وي چې دغه لوبې نن د فبرورۍ په ۲۰مه نېټه پيل او د مارچ میاشتې تر ۲۲مې نيټې دوام وکړي.