تاند ( پنج شنبه، د دلوې ۳۰) لغمان ولایت کې پر۵۰۰ داخلي بې ځایه شويو کورنيو د نغدي مرستې وېش پيل شو
مسوولان وایي دا مرستې د کډوالو او بېرته راستنېدوونکو چارو وزرات له لوري د ۵۰۰ کورنيو سره ترسره کېږي.
د یاد ولایت د کډوالو او بېرته راستنېدوونکو چارو رئيس شاکرالله شاکر وایي په دې مرسته کې هرې کورنۍ ته ۱۵۰۰۰ افغانۍ ورکول کېږي.
په ورته مهال د لغمان مرستیاله برېښنا ساپۍ د مننې ترڅنګ له یاد وزارت نه غوښتنه وکړه چې دې ته ورته نورې مرستې دې هم د داخلي بې ځایه شويو او بې وزله کورنيو سره ترسره کړي.
بل لورته مرسته شوې کورنۍ هم خوښې دي چې اړین وخت کې یې لاسنیوی وشو.
د یادونې ده چې په دې وروستیو کې په کور دننه جګړې د هېواد په ټولو ولایتون کې عام خلک زیانمن کړي دي.
ډېری یې له خپلو مېنو بې ځایه کړي چې اوسمهال لومړنیو مرستو ته اړتیا لري.