تاند(پنج شنبه، د دلوې ۲۳) د افغانستان د بهرنیو چارو وزارت د عربستان په ابها نړیوال هوایي ډګر د یمن د حوثیانو برید غندلی او دا یې یو تروریستي عمل یاد کړی دی.
د بهرنیو چارو له وزارت په خپره شوې خبرپاڼه کې راغلي، افغان حکومت د عربستان په ابها نړیوال هوایي ډګر د یمني حوثیانو لخوا برید په کلکو ټکو غندي.
د خبرپاڼې په وینا، د ملکي خلکو وژل او د ملکي تاسیساتو په نښه کول د اسلامي احکامو او بشري حقونو خلاف کار دی.
خبرپاڼه زیاتوي: « افغانستان چې د سیمې د هېوادونو په پرتله ډېر د تروریزم قرباني دی ملګري هېواد عربستان کې د هر ډول تروریستي برید غندنه کوي.
د یادونې ده چې تېره ورځ د سعودي عربستان دولتي تلویزیون راپور ورکړ چې د دغه هیواد د عسیر ښار په ابها نړیوال هوایي ډګر باندې د یمن د حوثي یاغیانو په راکټي برید کې یوه ملکي الوتکه سوځیدلې ده.