تاند ( سې شنبه، د دلوې ۲۱) د سمارټ ټیلفونونو رڼا د سترګو تباه کونکې ده د سمارټ ټیلیفونونو هغه رڼا چې ستاسو په سترګو لګیږي د سترګو لپاره ډیره خطرناکه ده .
وروستیو څیړنو ښودلې دغه رڼا که ړوندوالی را منځ ته نه کړي نو نږدې ده چې ستاسو د سترګو نظر په تدریجي توګه له منځه یوسي.
د امریکا په ټولیډو پوهنتون کې وروستۍ څیړنې شوي چې په نتیجه کې یې ویل شوي کومې شعاګانې چې د سمارټ ټیلفونونو څخه د انسان سترګو ته داخلیږي هلته تر ذخیره کېدو او لږ وخت په تیریدو په زهري موادو بدلیږي چې د ړوندوالي تر کچې انسان رسولی شي.
څیړونکي وايي، تر ډېره په عمر خوړلو خلکو کې دغه مشکل زر پړسوب کوي او سترګې یې له منځه وړي.
د څېړونکو په باور، هغه کسان چې له ۵۰ کلنو یې عمرونه زیات دي د موبایل په استعمال کې باید له خاص احتیاط څخه کار واخلي او سپارښتنه یې کړې چې عمر خوړلي دې له ساده او کمې شعا لرونکو موبایلونو څخه استفاده وکړي.