تاند (یکشنبه د دلوې ۱۹) د افغانستان د ملي دفاع وزرات وايي، هغه طالب قوماندان چې په کندهار او هلمند ولایتونو کې یې طالب جنګیالي رهبري کول، په یوه هوايي برید کې وژل شوی دی.
د دفاع وزارت په خبرپاڼه کې راغلي، ملا احمد چې د طالبانو د لایزري قطعې قوماندان و دوه ورځې مخکې د کندهار په ارغنداب ولسوالۍ کې په یوه هوايي حمله کې ټپي شوی و چې تېره ورځ یې د سختو ټپونو له امله ساه ورکړې او مړ شوی دی.
سرچینه زیاتوي، ملا احمد د طالبانو هغه مشهور قوماندان و چې په کندهار او هلمند ولایتونو کې یې طالب جنګیاليو ته روزنه ورکوله.
طالبانو تر اوسه په دې هکله تبصره نه ده کړې.
په دې وروستیو کې کندهار کې د افغان ځواکونو او طالبانو تر منځ نښتې زیاتې شوي چې ډېر کله ترې د درنې د مرګ ژوبلې راپوورنه ورکول کېږي.