تاند ( پنج شنبه، د دلوې ۱۶) د متحده عربي اماراتو لس اوره سیالیو په لړ کې کريس ګېل د شپږیزو باران وکړ.
ابوظهبي لوبډلې لومړی پچه وګټله او د مراټا عربینز لوبډلې ته يې د توپوهنې بلنه ورکړه.
مراټا عربینز په ټاکلو ۱۰ اورونو کې د ۴ لوبغاړو په سوځېدو ۹۷ منډې وکړې.
مراټا لپاره علي شان ۳۳، محمدحفیظ ۲۰، شعېب ملک ۱۵ ناسوځېدلې او مختار علي ۱۴ منډې وکړې.
ابوظهبي لوبډلې د ۹۸ منډو هدف په ډېرې اسانۍ په ۵ اورونو او ۳ بالونو کې د یوه لوبغاړي په سوځېدو پوره او لوبه یې د ۹ ویکټو په شتون کې وګټله.
کریس ګېل په دې لوبه کې ښه وځلېده.
نوموړي د ۹ شپږیزو او ۶ څلوریزو پر مټ په ۲۲ توپونو ۸۴ ناسوځېدلې منډې وکړې.
د دې لوبې غوره لوبغاړی کریس ګیل و نومول شو.