تاند ( چهارشنبه، د دلوې ۱۵) د متحده عربي اماراتو په لس اوره لیګ کې ډیلي بولز او پونې ډیویلز لوبه ترسره کړه.
د دې لوبې پچه ډیلي بولز وګټله او لومړی يې توپ اچونه غوره کړه.
پونې ډیویلز لوبډلې په ټاکلو ۱۰ اورونو کې د ۷ لوبغاړو په سوځېدو ډېرې کمې ۵۷ منډې وکړې.
د دوی لپاره کینار لیویس ۱۵، دیون توماس ۱۵ ناسوځېدلې او ټام کوهلر ۱۱ منډې وکړې.
د ډیلي بولز لپاره بیا علي خان په ۵ توپونو ۳ لوبغاړي وسوځول او کومه منډه يې هم ورنکړه.
بولز لوبډلې ټاکل شوی هدف په ډېرې اسانۍ او ستر توپير پوره کړ.
ډیلي بولز ټاکل شوی هدف په پنځم اور کې پوره او یواځې دوه لوبغاړي یې وسوځېدل.
رحمن الله ګربز ۲۶، رودرفورډ ۱۴ ناسوځېدلې او لیویس ۱۳ ناسوځېدلې منډې وکړې.
د لوبې غوره لوبغاړی علي خان شو.
ډیلي بولز تر دې دمه ۵ لوبې کړي او یواځې یوه یې بایللې او څلور یې ګټلې دي.