تاند ( چهارشنبه، د دلوې ۸) امریکایي رسنۍ وایي چې د دې هېواد د دفاع نوی وزیر افغانستان څخه د امریکايي ځواکونو د ایستلو پر پرېکړه بیا کتنه کوي.
د سرچینو د راپورونو له مخې لوید آسټین په پام کې لري چې په عراق او افغانستان کې د امریکايي ځواکونو د شمېر او وضعیت په اړه ارزونه وکړي.
سرچینو د امریکا په دفاع وزارت کې سرچینو له قوله ویلي چې آسټین غواړي د ټرمپ دا پرېکړه هم و ارزوي چې د خپل واک په وروستیو ورځو کې یې له افغانستان او عراق د سرتېرو د ایستلو امر ورکړی.
د امریکا د دفاع وزارت ویاند هم رسنیو ته ویلي چې په رسمي توګه په دې اړه اقدام نه دی شوی خو د پنټاګون نوې اداره به ارو مرو د سرتېرو د وضعیت په اړه خپله ارزونه ولري.
د ده په خبره د بایډن نوې اداره به هر څه په دقیقه توګه ارزوي په اړه به یې پرېکړه کوي او د امریکا د امنیت لپاره به هر اړخیزې هڅې کوي.