تاند ( یک شنبه، د دلوې۵) د افغانستان او ايرلېنډ ترمنځ د دوهمې نړيوالې يو ورځنۍ لوبې له پيل مخکې دواړو لوبډلو د خپلو مړو شویو لوبغاړو د روحونو په پار یوه دقیقه چوپتیا غوره کړې وه.
افغان لوبډلې د نجيب ترکي او آیرلینډ بیا د راى ټورنز لپاره.
دا په داسې حال کې ده چې نجيب ترکى څه موده وړاندې په يوه ټرافيکي پېښه کې خپل ژوند له لاسه ورکړ.
د آیرلینډ لوبډلې پخوانی مدیر راى ټورنز بیا تېره ورځ مړ شوى و.
د افغانستان کرکټ بورډ په خپله فېسبوکپاڼه کې ليکلي:«افغان او ايرلینډ لوبډلو د پخواني ملي لوبغاړي نجيب ترکي او د ايرلنډ لوبډلې د پخواني مدير رای ټورنز روحونو ته د اعزاز وړاندې کولو په موخه د څو شېبو لپاره چوپتيا غوره کړه».
د یادونې ده چې نن افغانستان له ايرلېنډ سره دوهمه نړيواله يو ورځنۍ لوبه ترسره کوي.
آیرلینډ د دې لوبې پچه ګټلې او اوسمهال توپوهنه کوي.