تاند ( یک شنبه، د دلوې ۵) د ملي دفاع وزارت په یوه خبرپاڼه کې ویلي چې په کندهار ولایت کې د افغان ځواکونو په عملیاتو کې ۳۸ طالبان وژل شوي دي.
د دفاع وزارت په خبرپآڼه کې ویل شوي چې په دې عملیاتو کې له افغان ځواکونو سره هوایي ځواک هم ملتیا کوله.
دغه راز یاد وزارت په یوه بله خبرپآڼه کې بیا ویلي چې شنبه ناوخته افغان ځواکونو د فراه ولایت په بالابلوک ولسوالۍ کې د عملیاتو پرمهال ۸ طالبان وژلي او ۵ نور یې ټپيان کړي دي.
دغه راز د یوه بل خبرله مخې امنیتي ځواکونو د فاریاب ولایت، دولت آباد ولسوالۍ په چهارشنغوی کلي کې د هوایي برید پرمهال ۶ طالبان وژلي او ۵ نور يې ټپيان کړي دي.
سرچینې ویلي چې په یادو عملیاتو کې په زیات شمېر وسلې هم افغان ځواکونو ترلاسه کړې دي.
بل لورته وسله والو طالبانو د دفاع وزارت د دې ادعاوو په اړه غبرګون نه دی ښودلی.