تاند (شنبه، د جدي ۲۷) افغان کرکټ ايلېون لوبډلې نن د ايرلینډ پر وړاندې په يوې تمريناتي لوبه کې د ۲۲ منډو په توپير بريا خپله کړه.
په دغه تمریناتي لوبه کې افغان لوبډلې لومړی توپوهنه وکړه چې په ۴۴,۱ اورونو کې د ټولو لوبغاړو په سوځېدو یې ۲۶۳ منډې جوړې کړې.
د افغان لوبغاړو له ډلې حشمت الله شهيدي ۶۰ رحمن الله ګربز ۵۹ او نجيب الله ځدراڼ ۵۳ ډېرې منډې وکړې.
ايرلینډۍ لوبډله د افغان ايلېون لوبډلې هدف پوره نه کړی شو او یواځې یې ۲۴۱ منډې وکړې.
ټاکل شوې د دواړو لوبډلو ترمنځ يو ورځنۍ درې نړيوالې لوبې به د روانې جنوري په ۲۱مه پيل او د همدې مياشتې تر ۲۶مې نېټې پورې به دوام وکړي.