تاند(چهارشنبه، د جدي ۱۷) ملي دفاع وزارت وایي، د کندهار ولایت په ژیړۍ او ارغنداب ولسوالیو کې د افغان امنیتي ځواکونو او طالبانو ترمنځ نښته کې ۲۳ طالبان وژل شوي او ۱۰ نور ټپیان شوي دي.
د ملي دفاع وزارت په خبرپاڼه کې راغلي، د کندهار ولایت په ژیړۍ او ارغنداب ولسوالیو کې پرون ۲۳ طالبان ووژل شول او ۱۰ نور ټپیان شول.
د یاد وزارت په خبرپاڼه کې راغلي، چې دې طالبانو هوډ درلود چې پر افغان امنیتي ځواکونو برید وکړي خو د ملي اردو لخوا موخه وګرځیدل او ۱۰ عراده وسایط او ډیری وسلې يې د امنیتي ځواکونو لخوا ویجاړ شول.
دا په داسې حال کې ده چې درې ورځې مخکې هم د کندهار په ارغنداب او ژیړۍ ولسوالیو کې ۳۸ طالبان ووژل شول او د ملي اردو لخوا ۳ پټنځایونه، او ډیری وسلې يې ویجاړې شوي دي.