نه ځو موږ، هیچیرته نه ځو

بس همدغلته اوسېږو، بس همدلته به مړه کيږو

که ماړه اوسو که وږي

که خوشاله که غمجن

که په کار او که وزګار

که غريب که پيسه دار

نه ځو موږ هيچيرته نه

بس همدغلته اوسيږو، بس همدلته به مړه کيږي

د لته مرګ زمونږه خوښ دی

دلته درد زمونږه خوښ دی

پلار نيکه مې دلته ښخ دی

پرديسي راته ډیر سخت دی

نه ځو موږ هيچيرته نه ځو

بس همدغلته اوسيږو، بس همدلته به مړه کيږو

که پاريس دی که لندن دی

که ډیلي که واشنګټن دی

هلته ژوند مې ځنکدن دی

ناممکنه مې رفتن دی

نه ځو موږ هيچيرته نه ځو

بس همدغلته اوسيږو، بس همدلته به مړه کيږي

موږ د تيښتې خلک نه يو

موږ به يو په دې ميدان کې

په لوړ غږ مو دا شعار دی

تل به يو افغانستان کې

نه ځو موږ هيچيرته نه ځو

بس همدغلته اوسېږو، بس همدلته به مړه کيږو

ته چې ځې په مخ دې ښه شه

د ژوند چارې دې ښايسته شه

له غمونو په امان شې

تار ويښته خو دې کم مه شه

نه ځو موږ هيچيرته نه ځو

بس همدغلته اوسيږو، بس همدلته به مړه کيږي

خو يوه خبره واوره

تيښته نه ده د حل لاره

دلته مه خپروه ډاره

زما ښکليه وطنداره

نه ځو موږ هيچيرته نه ځو

بس همدغلته اوسيږو، بس همدلته به مړه کيږو

موږ به بيا هر څه ودان کړو

ښه قوي به مو نظام کړو

د سيالانو به سيالۍ ته را چمتو افغانستان کړو

ځکه نه ځو چيرته نه ځو

بس همدغلته اوسيږو، بس همدلته به مړه کيږو

دا مو هوډ دا مو ايمان دی

دا د ځوان نسل پيغام دی

ښه خبر پرې پاکستان دی

ماتول زمونږه ګران دی

نه ځو موږ هيچيرته نه ځو

بس همدغلته اوسېږو، بس همدلته به مړه کيږو