تاند (دوشنبه، د جدي ۸) کريسټيانو رونالډو د فوټبال په نړۍ کې د یوې پېړۍ غوره فوټبالر جایزه خپله کړه.
د نوموړي لپاره په دوبۍ کې دنمانځنې پروګرام نيول شوی وو.
۳۵ کلن رونالډو یوه پېړۍ کېږي چې د فوټبال په نړۍ کې لوبېږي او د نړۍ په کچه زیات مينه وال هم لري.
د نړۍ دغه مشهور نامتو فوټبالر کریسټیانو رونالډو د فوټبال په تاریخ کې د یوه داسې ریکارډ څښتن شو چې د میسي په شمول هېڅ لوبغاړې تر دې دمه نه دی ګټلی.
رونالډو چې په ایټالوي لیګ کې د یوونتوس لوبډلې لخوا لوبیږي د روما لوبډلې پر وړاندې سیالۍ کې یې تېره ورځ دوه ګولونه ووهل او لوبډله یې له ماتې وژغورله.
په دې سره ۳۵ کلن رونالډو د نړۍ لومړی لوبغاړی شو چې د اروپا په پنځه سترو بېلا بېلو لیګونو کې په لوبېدو په مجموعي ډول ۴۵۰ ګولونه بشپړوي.
رونالډو په ۲۰۰۲ او ۲۰۰۳ کې د دوه پرتګالي لیګونو لخوا لوبېدلی دی.
هغه دغه راز د انګلستان په «پریمیئر لیګ» کې د مانچسټر یونایټډ لخوا، په هسپانوي لیګ «لالیګا» کې د ریال مدرید لخوا او اوس په ایټالوي لیګ «سیریا ای» کې د یوونتوس لوبډلو لخوا لوبیږي.
له ۲۰۰۴ تر ۲۰۰۸ د مانچسټر یونایټډ سره، له ۲۰۰۹ تر ۲۰۱۸ د ریال مدرید سره او د ۲۰۱۹ تر اوسه د یوونتوس لوبډلې سره لوبېدلی دی.