تاند(یکشنبه، د جدي ۷) د فاریاب ولایت قیصار ولسوالۍ کې د پولیسو او ولسي پاڅونوالو ترمنځ نښته کې یو پولیس وژل شوی دی.
د فاریاب ولایت سیمهییز مسوولین وايي، دغه نښته نن یک شنبه د یاد ولایت په قیصار ولسوالۍ کې رامنځته شوې ده چې له کبله یې یو پولیس وژل شوی او د یو تن ولسي پاڅونوال ټپي شوی.
دا په داسې حال کې دی چې وروسته له هغه چې په هېواد کې د ولسي پاڅونوالو په نوم ډلې جوړې شوې ډېری وخت دغه کسان له پولیسو او ملي اردو سره په جګړه کې لوېږي او د دواړو لور د مرګ ژوبلې لامل کېږي.
تر دې وړاندې په هلمند ولایت کې هم د ولسي پاڅونوالو او امنیتي ځواکونو ترمنځ نښته رامنځته شوې وه چې له کبله یې دواړو خواوو ته مرګژوبله اوښتې وه.