تاند ( یک شنبه، د جدي ۷) د پاکستاني پوځ له لوري په خپره شوې خبرپاڼه کې ویل شوي د دې هېواد په ګلګټ بلتستان سیمه کې د پاکستان یوه پوځي الوتکه لوېدلې ده.
سرچینه زیاتوي چې پېښه هغه مهال رامنځته شوې کله چې یادې الوتکې یو ټپي عسکر یوې پوځې اډې ته لېږدوه او هغه مهال لوېدلې ده.
د سرچینې په خبره په الوتکه کې سپاره ټول پوځیان وژل شوي دي.
پوځي چارواکو ویلي چې د پېښې په اړه یې پلټنې پيل کړې او تر اوسه یې لامل نه دی روښانه شوی چې ولې الوتکه لوېدلې ده.
دیادولو ده چې روان کال دا د پاکستاني پوځ درېیمه الوتکه ده چې په بېلابېلو سیمو کې لوېږي او له امله یې پوځيانو ته مرګ ژوبله اوړي.