تاند ( شنبه، د قوس ۲۹) د آسټراليا او هند لوبډلو ترمنځ په روانه ټېسټ سیالۍ کې آسټراليایي توپ اچوونکي پر هندۍ لوبډلې راج چلوه.
جوش هزليووډ په نننۍ لوبه کې د هند پر وړاندې په زړه پورې توپ اچونه ترسره کړه.
نوموړي په دې لوبه کې ۵ لوبغاړي وسوځل او له دې سره نوموړي په ټېسټ سياليو کې د ٢٠٠ ويکټو هدف پوره کړ.
هزليووډ د اسټراليا ١٨ام لوبغاړى شو چې ٢٠٠ ويکټې يې ترلاسه کوي.
نوموړي په ۵۲ لوبو کې ٢٠١ ويکټې واخيستې چې په يوه پاڼۍ کې يې بيا د ۶۷ منډو په بدل کې ۶ لوبغاړي هم سوځولي دي.
د هزليووډ نننۍ بريدګرې توپ اچونې هندۍ لوبډله وارخطا کړې وه او همدا لامل شو چې هندۍ لوبډله په ۳۶ منډو وسوځېده.
د اسټراليا لپاره تر ټولو زياتې ويکټې شين وارن اخيستي دي نوموړي په ۱۴۵ لوبو کې ٧٠٨ لوبغاړي سوځولي دي.