تاند ( چهارشنبه، د قوس ۲۶) د افغانستان لپاره د پاکستان ځانګړي استازي محمد صادق ویلي چې، د طالبانو د قطر دفتر یوه پلاوي د ملا برادر په مشرۍ اسلام اباد ته سفر کړی دی.
هغه وايي دا سفر د پاکستان د هغو سیاستونو برخه ده چې له مخې یې غواړي په افغانستان کې دایمي سوله راشي.
محمد صادق دغه راز وایي چې په دې سفر کې به ملا برادر د بهرنیو چارو له وزیر محمود قریشي او دغه راز د پاکستان له لومړي وزیر عمران خان سره وګوري.
نوموړی داسې مهال دا څرګندونې کوي چې طالب پلاوي پرون پاکستان ته سفر کړی دی او ټاکل شوې دغه سفر د ډسمبر تر اتلسمې نېټې دوام وکړي.
پاکستان ته د طالب پلاوي سفر په ټولنیزو رسنیو کې هم د عامو افغانانو غبرګونونه راپارولي دي.
دوی وایي طالبان دې له دوحې د اسلام اباد پر ځای کابل ته سفر وکړي او دلته دې له افغان حکومت سره د جګړې پر ختمولو او سولې راوستلو بحثونه ولري.
طالبان داسې مهال اسلام اباد ته سفر کوي چې په دوحه کې د سولې خبر د ۲۰ ورځو لپاره ځنډېدلي دي.
زمو ږ دی سترګی ړندی سی چی وبه وایو چی دا ستاسو د شیطانی سیاستونو یوه برخه نده او په دی مسله خو ټول افغانان پوهیږی چی د سپو لکی ، خرڅ سوی طالب او پنجابی دا نه سمیږی ما مخکی هم ویلی وو چی قطری خیټور د آی ایس ای له اجازی پرته تشناب ته نسی تلای که خیټه یی هم وچوی پاکستان د اسلام په نوم یو کلنګ او تور داغ دی چی ټوله نړی ددوی له لاسه لکه د سرطان دانه په عذاب ده. خو الله ج دی دوی او ددوی دا ټول جاهل مزدوران د ددوخ لرګی کړی او که د الله رضا وی همداسی کیږی هم.