تاند (یکشنبه د قوس ۱۶) د قطر الغرافه موسسه په کابل ښار کې دوه زره د استوګنې کورونه جوړوي.
د افغانستان د اقتصاد وزارت نن یکشنبه د یوې خبرپاڼې په خپرولو سره ویلي، د الغرافه موسسې رئیس شاهد جواد ددغه وزارت له وزیرې کریمه حامد فاریابي سره په کتنه کې ژمنه کړې چې په نژدې راتلونکي کې به د یادو کورونو د جوړولو چارې عملاً پیل شي.
د دغه وزارت د معلوماتو له مخې الغرافه یوه غیر دولتي موسسه ده چې په افغانستان کې د کرنې، مالدارۍ، اوبو رسولو، ټولنیز خوندیتوب او زیربناوو په برخه کې فعالیت کوي.
ښاغلې فاریابي د روانې قوس میاشتې په ۱۱مه ولسي جرګې ته د باور رایې اخیستلو په خاطر د خپلو کاري پروګرامونو د وړاندې کولو پر مهال ویلي و،ټولو هغو فکټورنو ته به چې د افغانستان پر اقتصاد اغېز لري، پاملرنه وکړي او د صادراتو او وارداتو کچه ارزونې پلان یې جوړ کړی او د غیر دولتي موسسو انسجام او هغو ادارو د ملاتړ لپاره هم کار کوي.
کریمه حامد فاریابي تېره سه شنبه له ولسي جرګې څخه ۱۳۶ د باور رایې تر لاسه کړې او رسماً د اقتصاد وزارت وزیره اعلان شوه.
تر کورنه نو کورونه ښه دی
ډېره مننه