تاند- جاپاني ستوربېړۍ له ۱۸۰ مایل مزله وروسته له یوې لېرې سیاره ګۍ د خاورو او تیږو نمونې مځکې ته راوړې.
د جاپان فضايي اداره وايي، د دې ستوربېړۍ کپسول، چې د اسماني تیږو نمونې پکې وې د استرالیا د جنوب په یوه لېرې سیمه کې وموندل شو.
دا کپسول د جاپان له هایابوسا ۲ (Hayabusa 2) ستور بېړۍ څخه جلا شوی و.
هایابوسا ۲ ستونربېړۍ په ۲۰۱۴ م کال استول شوې وه او په ۲۰۱۸ م کال ریګو سیاره ګۍ ته ورسېد خو مخکې تر دې چې له هغې بېرته د مځکې خوا ته راوګرځي هلته یې یو نیم کال سروې وکړه او د هغې د سطحې نمونې یې راټولې کړې.
کپسول، چې په یوه ثانیه کې په ۱۱ زره کیلومتره سرعت د مځکې اتومسفیر ته داخل شوی و، له مځکې ۱۳۵ زره مایله لېرې له ستور بیړۍ جلا شو او بالاخره د استرالیا په کوپر پدي سیمه کې وموندل شو.
دا کپسول به د څېړنو لپاره د جاپان د فضايي تحقیقاتو یوه مرکز ته یووړل شي.
په دې کپسول کې د خاورو او تیږو راوړل شوې نمونې به له څېړونکو سره مرسته وکړي چې د ژوند او شمسي نظام په اړه یې پوهاوی لا ډېر شي.