تاند(یکشنبه، د قوس۱۶) د پاکستان حکومت غواړي چې له چمن څخه تر سپین بولدک پورې رېللار (پټلۍ) جوړه کړي.
دا خبره د پاکستان د رېلارو (رېلوې) وزیر شیخ رشید احمد د بلوچستان ایالت په مرکز کوټه کې یوې خبري غونډې ته وکړه.
ده وویل، په لومړي پړاو کې به پاکستان له چمن څخه تر سپین بولدک پورې ۱۱ کیلومتره پټلۍ کښېږدي.
د پاکستان د رېللارو د وزیر په وینا د دې پروژې سروې بشپړه شوې او اوس یې د عملي کار د پیلېدو هڅه کېږي.
له بلې خوا ترکمنستان خپله رېللار د افغانستان تر اقینې بندر پورې رسولې او ازبکستان له مزارشریف ښار سره په ریل وصل شوی دی. په لنډ وخت کې به د ایران رېللار د هرات تر هوايي ډګره پورې ورسېږي.
تېره اوونۍ له ایران څخه لومړنی رېلګاډی، چې ۴۰۰ ټنه سمینټ پکې بار وو، هرات ولایت ته راغی.
پاکستان په ۲۰۰۴ م کال ویلي و چې تر کندهار ښار پورې به رېللار وغځوي. دغه هیواد همداراز ویلي و چې تر جلال اباد پورې به رېللار جوړه کړي.
د پاکستان د رېلوې وزیر یو وار بیا وویل، که د افغانستان حکومت وغواړي هیواد یې چمتو دی چې د چمن – سپین بولدک رېللار تر کندهار ښاره پورې وغځوي.
ډېره تمه ده چې افغانستان د سولې په صورت کې د رېللارو په وسیله جنوبي او منځنۍ اسیا سره ونښلوي. دغه راز ایران به له منځنۍ اسیا او چین سره وصل کړي.
د پاکستان په هیڅ خبره باور مه کوئ… دا يې پنځلسم کال دئ چي دوی وايي د کندهار کوټي تر منځ به ريلاره ورغوي…
پر هیڅ خبره يې باور مه کوئ…
ما که وس درلودی، د هغوی پر هر عمل باندي مي عکس العمل ښودئ..
که يې زما مسجد را ورانوئ، د دوی مسجد جامع مي ور ورانوله.. که يې زما پر ښوونځي بريد کاوه د دوی پر پوهنتون مي بريد کاوه.
که يې زما پلچک را خرابوه، دووی ستر پلونه مي الوزول…
متأسفانه، تر هغو چي دا چم ورسره ونه کړئ…. تر هغوی دوی زموږ د درد احساس نه سي کولای.