تاند ( جمعه، د قوس ۱۴) د ننګرهار ولایت چارواکي وایي د دې ولایت د ملي امنیت ځآنګړو ځواکونو تېره شپه دوه بېلا بېل عملیات ترسره کړي چې پر مهال يې د چپرهار ولسوالۍ په للمه سیمه کې د داعش ډلې د ځآنمرګو واسکټونو او ماینونو جوړونکی هدایت الله د مقاومت پر مهال وژل شوی دی.
د ولایت ویاند عطاالله خوږیاڼی وایي وژل شوي کس د ځآنمرګو بریدونو لپاره د واسکټونو او ماینونو جوړولو ترڅنګ نورو ته هم په یاده برخه کې روزنه ورکوله.
خوږیاڼی زیاتوي دغه د ملي امنیت ځواکونو د جلال اباد ښار په بېز اکمالاتي سیمه کې تېره شپه د عملياتو پرمهال د داعش ډلې مهم مشر قاري عبدالرحمن چې مهشور په قاري تمیم دی د یو بل همکار سره یو ځآی ژوندي نیولي دي.
چارواکي وایي په ترسره شویو عملیاتو کې ملکي وګړو او امنیتي ځواکونو ته کوم زیان ندی اوښتی .
بل لورته داعش وسله والو هم د دې ادعاوو په اړه تر اوسه رسنيو ته څه نه دي ویلي.
you arrest terrorist/khalilzad will release back.
better to kill him on time.don not keep him alive,
thank you