تاند (چهارشنبه د قوس ۱۲) د افغانستان کریکټ بورډ وايي، د اېمرجینګ لوبغاړیو لپاره پیل شوي تمرینات لا هم روان دي.
د کریکټ بورډ ویاند فرید هوتک وايي، افغان لوبغاړي د توپوهنې، توپ اچونې او ډګر ساتنې په برخو کې د کورني روزونکیو تر څارنې لاندې تمرینات کوي.
د ښاغلي هوتک په وینا، یاد تمریناتي کمپ د ننګرهار ولایت په غازي امان الله خان کریکټ لوبغالي کې پیل شوی او ۵۰ لوبغاړي پکې ونډه لري.
د کرکټ بورډ د معلوماتو له مخې د کمپ له پای ته رسېدو سره به ۱۵ پیاوړي لوبغاړي د افغانستان اېمرجینګ لوبډلې ته غوره شي.