تاند (چهارشنبه د قوس ۱۲) په نیوزلنډ کې د پاکستان د کرکټ د ملي لوبډلې ۸ لوبغاړي په کورونا ویروس اخته شوي دي.
د نیوزلینډ روغتیايي چارواکو ویلي، د کورونا په ویروس اخته شوي پاکستاني لوبغاړو ته اجازه نه ورکوي چې له خپلو نورو ملګرو سره ګډ تمرینات وکړي.
د یاد هېواد روغتیايي مسؤلانو تېره اونۍ د پاکستان لوبډلې ته د ټولنیز واټن نه مراعت کولو له وجې وروستی خبرداری ورکړی، خو ویل کېږي چې له دې خبرداری وروسته هغوی کومه سرغړونه نه ده کړې.
د پاکستان د کرکت ملي لوبډله د ټیسټ او شل اوریزو لوبو لپاره نیوزلینډ ته د نومبر د میاشتې په ۲۴مه رسیدلې ده او د ډسمبر په له اتلسمې به لوبې پیل کړي.
نیوزلنډ ته رسېدلي ۵۳ پاکستاني لوبغاړي د کورونا ویروس د خپریدو د مخینوي په خاطر د ۱۴ ورځو لپاره قرنطین شوي دي.