تاند(چهارشنبه، د قوس ۱۲) د سرتېرو په ایستلو کې د امریکا ناڅاپه پریکړو د ناټو غړو هېوادونو ته اندېښنې پیدا کړې دي.

واشنګټن پوسټ ورځپاڼه په یوه تحلیل کې وایي سره له دې چې په افغانستان کې وضعیت هېڅ د ډاډ وړ نه دی خو د سرتېرو پر ایستلو د ټرمپ ټینګار د حیرانتیا وړ دی او دې مسئلې د ناټو غړي هېوادونه هم اندېښمن کړي دي.

سرچینه کاږي چې ناټو په افغانستان کې د ترهګرو ډلو د پیاوړي کېدو له درکه اندېښنه لري او ددې تمه لري چې امریکا د افغانستان په اړه معقوله پرېکړه وکړي.

په مطلب کې راځي چې ناټو له امریکایي حکومت سره د سرتېرو د ایستلو پر سر مذاکرات پيل کړي، خو د امریکا د بهرنیو چارو وزارت یو ځل بیا د ناټو په وروستۍ ناسته کې د سرتېرو پر ایستلو ټینګار کړی دی.

هغه ویلي له افغان حکومت به ددوی ملاتړ ادامه ولري، د افغانستان وضعیت پوره ارزول کېږي او یوازې کم شمېر سرتېري به په افغانستان کې پرېښودل کېږي.

https://taand.net/%d8%b3%d9%bc%d9%88%d9%84%d9%bc%d9%86%d8%a8%d8%b1%da%ab%d8%a7%d9%85%d8%b1%db%8
c%da%a9%d8%a7-%d9%be%d9%87-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%da%a9%db%90-%d8%ae%d9%be%d9%84-%d9%85/

بل خوا ناټو وایي د امریکايي ځواکونو له وتلو سره سره دوی په افغانستان کې خپل ما موریت ته ادامه ورکوي.

د ناټو سازمان د بهرنیو چارو وزیران په خپله نوبتي غونډه کې په افغانستان کې پر روان وضعیت خبرې کړې دي او ټینګار یې کړی چې د سولې د پروسې بشپړ ملاتړ کوي او په افغانستان کې به خپل ماموریت ته ادامه ورکوي.