تاند (سه شنبه د قوس ۱۱) وروسته له دې چې په قطر کې د طالبانو د سیاسي دفتر ځینو غړو په دغه هېواد کې د ایران سفارت ته د محسن فخریزاده د مړینې د غمشریکي لپاره لاړل، د ایران سفیر پر خپله ټوېټرپاڼه طالبانو ته د غورځنګ کلیمه کارولې ده.
دوحه کې د ایران تازه ګمارل شوي سفیر حمید دهقاني په خپله ټویټر پاڼه لیکلي، په قطر کې د طالبانو غورځنګ د ایران د دفاع وزارت د څيړنې او نوښت سازمان مشر محسن فخري زاده وژنه غندلې ده او له دوی سره یې غمشریکي ښکاره کړې ده.
جنبش طالبان ترور دکتر فخری زاده را محکوم کرد.
هیاتی از دفتر سیاسی جنبش طالبان با حضور در سفارت ایران در دوحه و ملاقات با اینجانب با محکومیت ترور دکتر فخری زاده، شهادت ایشان را به دولت و ملت ایران تسلیت گفت. pic.twitter.com/UPHl8uF14h— Hamid Dehghani (@hamidehghani_ir) November 30, 2020
د ایران د سفیر دغه ټویټ د ټولنیزو رسنیو له غبرګونونو سره مخامخ شوی دی.
د یورو نیوز د راپور له مخې دغې لیدنې بیلابیل غبرګونونه پارولي او د ټولنیزو رسنیو ځينو کاروونکو په مزار شریف کې د طالبانو له خوا د ایراني ډیپلوماتانو وژل کیدو ته اشاره کړې ده.
سرچینه کاږي طالبان ۲۲ کاله وړاندې په مزارشریف ښار حمله وکړه او هلته د ایران قونسلګرۍ ته ور ننوتل چې اته دیپلوماتان او یو خبریال ووژل.
د ایران د ملي امنیت او ترهګرۍ ضد حوزې څیړونکي، ارش یقین په یوه ټوېټ کې لیکلي، هیله مند دی چې طالبانو د پخوا په څېر سفارت او د سفارت غړو ته زیان نه وي رسولی.
نوموړي زیاته کړې، پکار نه وه چې د ایران سفیر طالبانو ته د غورځنګ کلیمه کارولی، ځکه چې هره ورځ د ګاونډي هېواد بېګناه انسانان وژني.
اميدوارم جناب سفير صاحب ايران در قطر @hamidehghani_ir، كه اين طالبان مثل آن طالبان در مزار شريف، به دفتر و كارمندان شما خسارت مالى و جانى نياورده باشند، اگر چه شكى نيست كه همكاران اينها، همه روزه به شهروندان همسايه شما آسيب ميرسانند. https://t.co/hSHi8aYRsr
— Arash Yaqin آرش يقين (@ArashYaqin) November 30, 2020
په قطر کې د طالبانو د سیاسي دفتر ویاند محمد نعیم وردک هم پرون دوشنبه په خپله ټویټرپاڼه لیکلي چې له ايران، ترکيې او منځني اسيا هېوادونو سره د دوی د اړیکو مسئول دين محمد حنیف او ور سره پلاوي یې په دوحه کې د ايران له سفير حمید رضا دهقاني او ځینو نورو ایراني چارواکو سره کتلي دي.
د ښاغلي وردک په خبره په دغه لیدنه کې د افغانستان او ایران پر اړوندو مسایلو او بین الافغاني مذاکراتو خبرې شوي دي.