تاند(جمعه، د قوس ۷) په افغانستان کې د اروپایي ټولنې استازي پر افغان حکومت غږ کړی، چې د ملي مصالحې تر نامه لاندې اعلان شوی بنسټ باید په سملاسي توګه په عمل کې هم رامنځته او فعال شي.
اروپایي ټولنې په یوه اعلامیه کې ویلي، په دې شورا کې له سیاسي مشرانو سره سره باید ښځې، د جګړې قربانیان، دیني عالمان، مدنې ټولنې او ځوانان هم شامل وي.
یادې ټولنې ویلي، د سولې خبرو د یوې دوامداره پایلې لپاره غوره ده چې د افغان حکومت په لیکو کې سیاسي یووالی وي.
یادې ټولنې زیاته کړې ده چې په دې بهیر کې د افغانانو غږ شامل وي او باید پاملرنه ورته وشي.