تاند (پنجشنبه د قوس ۶) د بهرنیو چارو وزارت وایي، فلسطین په افغانستان کې روانه جګړه له اسلامي اصولو سره په ټکر کې بللې ده.
د افغانستان د بهرنیو چارو وزارت وايي، د فلسطین د دیني عالمانو مشر او د القدس جومات امام شیخ عکرمه صبري په افغانستان کې روانه جګړه غندلې او هغه یې ناروا بللې ده.
دغه وزارت نن پنجشنبه د یوې اعلامیې په خپرولو سره ویلي چې د فلسطین دغه نامتو دیني عالم د النساء سورة د ۹۳ ایت پر بنسټ افغانستان کې روانه جګړه ناروا بللې ده.
صبري ویلي چې په افغانستان کې د جګړې دواړه لوري مسلمانان دي او ترمنځ یې جګړه ناحقه ده نو باید دواړه لوري هر څه ژر جګړه پای ته ورسوي او خپلو اختلافاتو ته د خبرو له لارې یو حل پیدا کړي.
نوموړي په داسې مهال په افغانستان کې روانه جګړه نا مشروع بللې چې ورځ تر بلې تاوتریخوالی د زیاتېدو په حال کې دی.
تر دې وړاندې هم د نړۍ ګڼ شمېر دیني عالمانو افغان جګړه د اسلامي ارشاداتو خلاف بللې او ویلي یې دي چې دا جګړه یواځې قدرت ته د رسېدو لپاره روانه ده.
خبره د پنجابي او د اي ايس ای د ملايانو لاس کې ده کله چې د پنجابي ملايانو د فتوا ورکړه هماغه به د جنګ وروستۍ ورځ وي، موږ پر طالب غږ کوو چې سوله وکړي سوله کې د ټولو خير دی همداسې دولت کې هم د سولې ضد کسان شته چې چې په يو او بل نوم د سولې هڅې تخريبوي، کله اساسي قانون،کله شل کلنې لاسته راوړنې ښيي کله د ښځو حقوق يادوي چې ټول د سيلمې دروغ دي او هېڅ حقيقت نه لري.
په سوله کې پرمختګ، عدالت، بيا رغونه او حقوق هر څه ترلاسه کېدای شي خوجنګ کې برعکس