تاند ( دوشنبه، د قوس ۳) افغانستان کې د اسټرالیايي ځواکونو جنګي جرمونو د راپور سره سم ۹ اسټرالیايي سرتېرو ځان وژنه کړې ده.

د آسټراليايي رسنیو د راپورونو له مخې په تېرو درېیو اونیو کې اتو نارینه او یوې ښځينه سرتېرې ځان وژنه کړې ده.

اسټرالیايي چارواکو دغه راپور د شرم وړ بلل دی.

دا سرتېري داسې مهال ځان وژنه کوي چې، په دې وروستیو کې ګڼو نړیوالو بنسټونو دا غوښتنه کوله چې استراليا دې په افغانستان کې د خپلو سرتېرو جنګي جنایتونه وڅېړي.

لومړنیو څېړنو وښوده چې دغه پوځیانو شاوخوا څلوېښت ملکیان په قصدي توګه وژلي دي.

تېره ورځ هم د استرالیا پوځ ویلي وو چې، په افغانستان کې یې د سرتېرو جنګي جنایتونه ټکان ورکوونکي دي.

د استرالیا د پوځ لوړپوړو چارواکو په یوه خبري غونډه کې ویلي وو چې، دې مسئلې دوی اړ کړي څو؛ په پوځ کې پر مهمو او بنسټیزو جوړښتونو له سره کتنه وکړي.

https://taand.net/%d8%af-%d8%a7%d8%b3%d8%aa%d8%b1%d8%a7%d9%84%d9%8a%d8%a7-%d9%be%d9%88%da%81%d8%9b-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%da%a9%db%90-%d9%8a%db%90-%d8%af%d8%b3%d8%b1%d8%aa%db%90%d8%b1/