تاند (یک شنبه، د قوس ۲) ننګرهار کې د وېکټو او بېټونو د جوړولو فابريکې فعاليت پيل کړ.
د ننګرهار د صنعت او سوداګرۍ مسوولان وايي چې، د وېکټو او بېټونو جوړولو دا فابریکه چې جعفر علي سپورټس نومیږي او د IOM ادارې په مالي همکارۍ جوړه شوه.
د یادې ادارې مشر محمد حسن محسن وایې چې، په دې کې به له وطني لرګیو استفاده کېږي.
محسن وایې چې اوسمهال د دې فابریکې په فعالیدو سره لسو تنو ته د کار زمینه برابره شوې او تمه ده چې په راتلوونکو کالونو کې د کاریګرو پر زیاتوالي سربېره له نورو ګاونډیو هېوادونو څخه د وېکټو او بیټونو د را واردیدو تشه هم ډکه کړي.
اوسمهال دکرکټ د لوبې لپاره ډېری وسايل له نورو هېوادونو افغانستان ته راواردېږي.