عبدالله حقمل هلمند

  هلمند ته راغلي کوچیان وايې د تیرو کلونو په پرتله د سختو ستونزو سره مخ یو. کوچیان چې د موسم په بدلون سره خپل د اوسیدو ځای هم بدلوي نو هر موسم په بیلابیلو ولایتونو کې تیروي چې د سړې هوا په راتګ سره کوچیان ګرم ولایتونو ته کډه کیږي . تیرو کلونو کې به له نورو سیمو څخه کوچیان هلمند ته ګډه کیدل او د ژمي سوړ موسم به یې هم دلته تېره و، دوی وایې د تیرو کلونو په پرتله سږکال د ډیرو ستونزو سره لاس او ګریوان یو.

هلمند ته راغلي کوچیان وايې سږ کال هلمند ته د راتګ سره د یو شمېر خنډونو سره مخ یو ، دوی زیاتوي ژوند يې ښه نه تیږي دوی وايې د دولت تر څنګ عام وګړي هم دوی له هغو ځاینو څخه شړي چې کوچیان يې ژوند تیریدو لپاره ټاکې.

یاد کوچیان ډیر ناهیلي دي او د دولت څخه د هر ډول امکاناتو غوښتنه کوي دوی د هلمند سیمیزو چارواکو ته په خطاب وایې چې کوچیان هم پر دې خاوره د اوسیدو حق لري.

دوی زیاتوي د یادو ستونزو سره سره د هلمند رواني جګړې هم د دوی ژوند ته یو لوي ګواښ پیښ کړی. هغه ځایونه چې دوی به مخکي د خپل ژوند تیرولو لپاره ټاکل د جګړې تود سنګر ګرځیدلی د کوچیانو د ډلي یو سپینږیری وايې، په تیرو کلونو کې به هلمند د کوچیانو لپاره د څو میاشتو د تیریدو مناسب ځای و، خو اوس ټولي هغه منطقې چې کوچیانو به ورباندي خپل څاروي څارل او د ژوند کولو لپاره به يې خیمې ورباندي درولي له منځه تللي او په نورو ازادو سیمو کې يې عام وګوي ژوند کولو ته نه پریږ دي.

د کوچیانو په وینا د دوي د ژوند د سطحي د لوړولو لپاره دولت تراوسه هیڅ ډول پاملرنه نه ده کړې. دکوچیانو د یادو ستونزو په اړه مو وغوښتل چې د مسول چارواکو نظرهم ولرو خو د ډیري هڅي وروسته بیا هم ونه توانیدو. هیره دي نه وي که د کوچیانواوسني حالت ته مسول چارواکي جدي توجو ونکړي ممکن راتلونکي کلونه هلمند ته د کوچیانو راتګ کم یاهم بند شي.