تاند (یک شنبه، دعقرب ۲۵)  امریکایي ورځپاڼې واشنګټن پوسټ له هغو امریکایې نظامیانو سره خبرې کړې چې په افغان جګړه کې یې ماموریت ترسره کړی دی.

دوی ویلي چې د امریکا حکومت باید بې پروایي و نه کړي او په بېړې سره د سرتېرو په ایستلو افغان جګړه پای ته نه رسېږي.

دوی وایي دمګړی د افغانستان شرایط حساس دي او په دغه هېواد کې د امریکایي ځواکونو حضور ته اړتیا ده.

د دې تر څنګ سرچینې زیاته کړې چې د مخالفتونو ترڅنګ په پوځ کې لوړه سلنه جنرالان داسې هم دي چې د ټرمپ له پرېکړې ملاتړ کوي.

سرچینه وایي له همدې امله ټرمپ ښايي له افغانستان سرتېري وباسي ځکه په دې برخه کې دی یوازې نه دی.

په ورته مهال د امریکا د دفاع سرپرست وزیر کریسټوفر مېلرهم د ولسمشر ټرمپ له لوري تر ګومارل کېدو وروسته خپلو پوځیانو ته په لومړني پیغام کې ویلي «هغه وخت راغلی چې کور (هیواد) ته راشئ.»

https://taand.net/%d8%af-%d8%a7%d9%85%d8%b1%db%8c%da%a9%d8%a7-%d9%86%d9%88%db%8c-%d8%b3%d8%b1%d9%be%d8%b1%d8%b3%d8%aa-%d8%af%d9%81%d8%a7%d8%b9-%d9%88%d8%b2%db%8c%d8%b1-%d9%88%d8%a7%d9%8a%d9%8a%d8%8c-%d9%84%d9%87-%d8%a7/