تاند (جمعه، د عقرب ۲۳) د ننګرهار وادې کرنيز شرکت مسئولان وايي چې، سږکال به د زیتونو کابو پنځه سوه ټنه حاصل تر لاسه کړي.
د یاد شرکت ویاند سیدهمایون غریبمل تاند وېب پاڼې ته وویل، دوی د سږنیو زیتونو له لس ټنو څخه اچار او ۴۹۰ ټنو څخه به يې له پروسس وروسته تېل تولید کړي.
نوموړی وایی، د ننګرهار کانال په ۳۱۰۰ هکتاره ځمکه کې، چې يو مهال د زيتونو بوټو شتون درلود اوسمهال يواځې ۱۷۲۰ هکتاره ځمکه کې له ونو څخه زيتون ترلاسه کيږي.
د کانال شرکت مسولان وایي دوی په پلان کې لري چې په ۸۷ هکتاره ځمکه کې تازه د زيتونو نوي بوټي کينوي.