تاند(پنج شنبه، د عقرب ۸) افغانستان او ایران د انرژۍ او سوداګرۍ په برخه کې د اړیکو پر پراختیا خبرې کړې دي.
د افغانستان د بهرنیو چارو وزارت په یوه خپره کړې اعلامیه کې راغلي چې د بهرنیو چارو سرپرست وزیر حنیف اتمر د ایران د انرژۍ له وزیر رضا اردکانیان سره تلیفوني خبرې کړې دي.
دواړو لورو د اقتصادي، سوداګریزو او امنیتي همکاریو، د تخنیکي مرستو د پراختیا، د متخصیصیونو د ظرفیت لوړونې پر پروګرامونو او نورو مهمو مواردو بحث کړی دی.
دواړو لورو همدا راز د هرات او خواف رېل پټلۍ د پرانیستې پر مراسمو هم خبرې کړې دي.
ایران ویلي چې دوی له افغانستان سره د اړیکو پراختیا ته لېواله دي او ددغه هېواد د سولې په پروسه کې هم پوره همکاري کوي.