تاند(دوشنبه، د میزان ۲۸) ایران وایي له خپلواک افغانستان او ددغه هېواد د سولې د بهیر هر اړخیز ملاتړ کوي.
د ایران د پارلمان مشر محمد باقر قالیباف د ملي مصالحې عالي شورا له مشر ډاکټر عبدالله عبدالله سره کتلي دي.
دواړو لورو په افغانستان کې په پر روان وضعیت او د سولې پر پروسې بحثونه کړي دي.
د ایران د پارلمان رییس ویلي چې دواړه هېوادونه په خپلو کې ژورې تاریخي اړیکې لري او ایران د افغانستان تر څنګ ولاړ دی.
د هغه په خبره دوی په افغانستان کې له اوسني حکومت، خپلواکۍ او د سولې له بهیر هر اړخیز ملاتړ کوي او هڅه کوي له افغانستان سره یې اړیکې لا پیاوړې او پراخې شي.