تاند (چهارشنبه، د میزان ۱۶) نیوزویک وایي چې کورونا وبا د افغانستان، عراق، ویتنام او نړیوالې جګړې په پرتله ډېر امریکایي وګړي وژلي دي.
راپور کې د امریکا د وسلهوالو ځواکونو د قومندانۍ د معلوماتو پر بنسټ راغلي، د امریکا په ټولو جګړو کې ۱۵۵ زره او ۷۲ سرتېري وژل شوي دي خو کورونا وبا په هره اوونۍ کې ۷ زره او ۴۳ امریکایان مړه کړي دي.
د جان هاپکینز پوهنتون د وروستیو معلوماتو له مخې تر اوسه په امریکا کې د کورونا وبا له امله د مړه شویو کسانو ټول شمېر دوه لکه او ۵۶۰۰ ته رسېدلی دی.
راپور کاږي دې شمېر ته په کتو کورونا وبا د ټولو جګړو په پرتله ډېر امریکایان وژلي دي او لا هم ورته کوم ډاډمن واکسین نه دی تولید شوی چې دې چارې د امریکایي وګړو په ګډون ټوله نړۍ اندېښمنه کړې ده.