تاند(چهارشنبه، د میزان ۱۶) د افغانستان د بشري حقونو د خپلواک کمیسیون مشره شهزاد اکبر په هېواد کې پر روان تاوتریخوالي د جګړو پر دوام اندېښنه ښيي او وایي د جګړې د دوام عواقب به د افغانستان لپاره لا خطرناک او دردوونکي وي.
نوموړې ویلي د جګړو دوام به افغانستان لا بېوزله، دردمن او نارامه کړي.
اکبر پر ښکېلو لورو غږ کړی چې ژر تر ژره جګړه ودروي او د ملکي وګړو ژوند ته متوجه خطر له منځه یوسي.
د بشري حقونو خپلواک کمیسیون څو ورځې وړاندې په یوه راپور کې هم د جګړو پر دوام او د تاوتریخوالي پر ډېرېدو جدي اندېښنه ښودلې وه او له ښکېلو لورو یې د جګړې د درېدو غوښتنه کړې وه.
شهزاد اکبر داسې مهال دا څرګندونې کوي چې په افغانستان کې ورځ تر بلې وضعیت کړکیچن کیږي او د طالبانو تاوتریخوالی زیات شوی دی.